DÜNYA GƏLDİ - GEDƏRDİR

Şair, dünya gəldi-gedər,

Ömrün günü bir gün bitər.

Günlərini versən hədər,

Ötən günlər geri gəlməz.

 

Biz də “5 günlük” bir qonaq,

Həyat isə çətin sınaq...

İnsan, olur sonda torpaq,

Sümük qalar, dəri qalmaz

 

Hər kəsin borc bir canı var,

Bu dünyanın da sonu var.

Fələyin min-bir donu var,

1000-i olar, 1-i olmaz...

 

İnsan dərdi görə-görə,

Anlamıram nəyə görə,

Doymaq istəmir ömürə?!

Heç kimsə bu sehri bilməz.

 

Bir çox ocaqlar boş qalar,

Neçə gözlərdə yaş qalar.

Nə dost, nə də tanış qalar,

Ölən ölər, yeri dolmaz!

 

         ZAmir Erkin Agazade