İnana bilmədim, nişanlanmısan...

Əsgərlikdən gəldim evə sevincək,
Qəlbimdə, fikrimdə min arzu dilək.
Mən gün sayarkən nə sayıb ki, fələk?!
     Eşqimizi, əhdimizi danmısan,
     İnana bilmədim, nişanlanmısan...

    Dost-tanışa Səni sordum, susdular,
    Hərə bir tərəfə sözü yozdular,
    Dedilər ki, bir qızda yüz göz qalar;
         Nə biləydim özgəyə aldanmısan,
         İnana bilmədim, nişanlanmısan...

        Gəlib gördüm hər şeyi unutmusan,
        Dəyər-dəyməzə eşqini satmısan.
        Aldığım təkqaş üzüyü atmısan-
             Məni özüntək vəfasız sanmısan,
             İnana bilmədim, nişanlanmısan...

(12.02.2011) ZAmir Erkin