Faydası yoxdur

Bilmədik qədrini biz məhəbbətin, 
Duymadıq ətrini biz məhəbbətin,
Sındırdıq çətrini biz məhəbbətin;
İndi peşmanlığın faydası yoxdur..

Aramızda məsafələr yarandı,
Bir birə qarşı şübhələr yarandı,
Söyləməyək: -bunlar hədər yarandı..
İndi peşmanlığın faydası yoxdur..


Yalanla aldatdıq bir-birimizi,
Yamanca ağlatdıq bir-birimizi,
Yadlara anlatdıq bir-birimizi..
İndi peşmanlığın faydası yoxdur..):


Zamir Erkin Agazade ; 
"Faydası yoxdur", 2008