Xoşbəxt ikili / (Sayyara Nabi ve Zamir Erkin)

----------------------------------

Sayyara Nabi

Gözlərin yol çəkir, sevgilim, yenə.
De, kimi gətirir qəlbinə sənin?
Mən bütün ömrümü həsr etdim sənə.
De, niyə sevgimlə sən yetinmədin?

Zamir Erkin

Gözümü yollardan çəkə bilmirəm,

Getdiyin yollara dikilib qalıb,

Üzgünəm, göz yaşı tökə bilmirəm,

Fikrimdə bir “xoşbəxt ikili” qalıb..

Sayyara Nabi
Mən sənsiz ağlarkən tənha gecələr
De, kimə həsr etdin gülüşlərini?
Həsrət qaldım günlərlə gül üzünə,
De, kimə həsr etdim öpüşlərini?

Zamir Erkin

Güləndə üzündə güllər açardı,

Qoxlardım, öpərdim gül üzünü mən..

Bu nağılda “heç kim yox, biri vardı”..

Səni sevdim, unutdum özümü mən.

Sayyara Nabi
Əlllərim donarkən yalnızlığımdan.
De, kimi isitdi sənin əllərin?
Soyuq baxışların qovdu qəlbindən,
De, kimi gizlədi sirrli Gözlərin?...

Zamir Erkin

Sevirəm deyərdin, dönə-dönə sən,

Ağlımdan, fikrimdən çıxmır sözlərin..

Bəlkə, bağışlayıb geri dönəsən?!..

Bilirəm, darıxıb mənsiz gözlərin.. ;)

9;11.08.2012