Salam Sarvan "Yaradıcılıq fakültəsi"ndə

Bu gün (10.11.2012) "Bakı Slavyan Universiteti, Yaradıcılıq fakültəsi"ndə şair Salam Sarvan ilə görüşümüz oldu.
1 saat davam edən görüş maraqlı sual-cavab, şairin ədəbiyyata gəlişi və şeiriyyatla bağlı fikirləri üzərində quruldu. Şairin görüşdə əsas diqqət çəkən fikirləri bunlar oldu:

"Ədəbiyyat - futbol meydançası deyil. Oraya komanda şəklində gəlmirlər. Hər kəs ədəbiyyata tək gəlir və ədəbiyyatı "tək"lər yaradır."

"Şairlərimiz şeirdə qadına yalnız sığal çəkirlər, onlar şeirdə qadına şillə vurmağın yolunu bilmirlər."

Həmçinin şair dekabrda işıq üzü görəcək yeni şeirlər kitabından da danışdı. Bu kitaba salınacaq şeirlərin ahıl şeirləri olduğunu da vurğuladı.
Sonda gənc yazarlara uğurlar arzuladı.