Sənlə hər şeyə razıyam..

Göz yaşımı qurut, canım,

Gəl, qəlbimi ovut, canım,

Bircə demə, unut canım..

Sənlə hər şeyə razıyam..

Saf eşqimin sənsən ilki,

Sənə qarşı duydum ilgi.

Sonsuzadək bunu bil ki,

Sənlə hər şeyə razıyam..

Özgəsinə salma meyil,

Heç kəs bu cür sevən deyil.

Keçsə neçə ay, neçə il –

Sənlə hər şeyə razıyam..

Canımı eşq alsa belə,

Son nəfəsim qalsa belə,

Sonu ölüm olsa belə,

Sənlə hər şeyə razıyam..

Zamir Erkin Ağazadə

17.03.2011 / Əsgərlik yazılarımdan