Darıxıb eləmə..

Sizinlə əsgərlikdə olarkən yazdığım bir şeirimi paylaşmaq istəyirəm. Lütfən, oxuduqdan sonra Şeirlə bağlı fikir və rəylərinizi yazmağı unutmayın. Şeirimin adın budur: Darıxıb eləmə..




Darıxıb eləmə, bitər bu həsrət,
Ayrılıq kəlməsin silib atarıq…
Qovuşmaq nə vaxtsa olacaq qismət;
O an hər bir şeyi biz unudarıq.

Darıxıb eləmə, qəlbinə salma,
Çünki bu hicranın sonu vüsaldı,
Hər sözü, hər fikri vecinə alma,
Bir gün gələcəyəm gözlə az qaldı.

Darıxıb eləmə, çox insan təkdir,
Hirsini şəkildən, şeirdən çıxma.
Onları cırmağın nəyə gərəkdir?..
Gördün kövrəlirsən – oxuma, baxma!..


Zamir Erkin Ağazade