Sadəcə dost olaq..

Bir-birə biz dostdan yaxın olmayaq,

Ürəyə qeyri-cür daxil olmayaq,

Sevək ayrı-ayrı, paxıl olmayaq..:)

Sadəcə dost olaq, elə dost qalaq..

Kiminlə istəsən, öpüş, razıyam,

Nə zaman söyləsən: -görüş, razıyam,

Dərdini mənimlə bölüş, razıyam,

Sadəcə dost olaq, elə dost qalaq..

Heç kimə sirləri satmayaq əsla,

Dostluğa sevgini qatmayaq, əsla,

Səninlə günaha batmayaq, əsla,

Sadəcə dost olaq, elə dost qalaq..