İlk səhifə » » Bəxtin ögeyiyəm - əlimi tutmur

Bəxtin ögeyiyəm - əlimi tutmur


Təkcənəm, birdənəm, birim, hardasan?

Bilmirsən, darıxır,
darıxır necə;
darıxır səninçün biri hardasa...
Yaralar incidir, sanki içincə -
göynəyir qəlbimdə yerin, hardasan?

Bəxtin ögeyiyəm - əlimi tutmur,
vüsal çox uzaqdır, dilimə yatmır.
Mən sənə çatmıram, sənə mən çatmır,
yarım qalmışam mən, yarım, hardasan?

Qəlbinin ağrısı nədir, bilmirəm,
Bilirəm: 
çətinəm, bir az dərd-sərəm.
Soyutmur ayrılıq, bəlkə öldürə?!
Soyuldum mən səndən, dərim, hardasan?

Saçından ayrılan yol harda bitir?
- gəlim, mən qürursuz – hər şeyə xətir.
Sənə inanırdım, inancım itir,
Başına döndüyüm – pirim, hardasan?

Təkcənəm, birdənəm, birim, hardasan?

02.2023
Paylaş bunu :

0 YORUM yazılıb (Komment):

Yorum Gönder

*Lütfən, sadəcə yazı ilə əlaqəli rəy bildirin.
*Sualınız olsa, e-mail ünvanımıza yazın: zmr@lenta.ru

Kahraman Tazeoğlu Zamir Erkin'i tebrik etti (DİNLE)

Bu gün Kahraman Tazeoğlu Bakü'deki şiir etkinliğinin sonunda mühabirlerin sorularını cevapladı. Sohbet esnasında bir sözün, şiirin ...

Populyar Postlar

 
Support : 1azŞeir | InstaART | Fan Page
Copyright © 2011-2025. Zamir Erkin AGAZADE - All Rights Reserved
Template Created by Creating Website Redesigned by ZEA DEsign
E-mail: zmr@lenta.ru