Cığallıq

Nəyə lazımdır təqvim, saat,
sən olmayanda mənimçün durur vaxt.
Təqvimdə yarpaqlar dəyişilmir. 
Saatımda əqrəblər fırlanıb təkrar-təkrar eyni nöqtəyə qayıdır.
Ancaq yenə də tanrıya şükür!
sənsiz keçən günlərə görə ona cavab verməyəcəm,
çünki bu ömürdən sayılmır.
Ömür dediyin yaşanaraq keçir,
Mən isə sənsiz yaşamadım ki...

Nə sən cığallıq elə, nə mən, nə də tanrımız;
Yalqızlıq tanrıya məxsusdur,
gəl, biz bir olaq -
tanrı qalsın yalqız...

⊱╮Zamir Erkin Agazade ⊱╮