Getmək istəyirəm

        

        Getmək istəyirəm

kiminsə məni tapa bilməyəcəyi bir yerə...

Getmək istəyirəm

əllərindən qaçdığım kəslərin

gəlməyəcəyi bir yerə.

Getmək istəyirəm

ümidlərin,

sevgilərin ölməyəcəyi bir yerə

            Getmək istəyirəm –

                                    burdan qaçıb uzaqlara..

            Getmək istəyirəm:

                                    həm də çox-çox uzaqlara.

Getmək istəyirəm

                 bir çox səbəblərə görə;

                        minnətliçörəklərə,

                        yersiz istəklərə,

                                    tələblərə görə.

                        Mənasız söhbətlərə,

                                    mətləblərə görə.

            Ayrı-seçkiliyə;

                        mənsəblərə görə,

məzhəblərə görə.

Getmək istəyirəm

                        Bir-birə duyduyuğumuz  - nifrətə,

                                    qəzəblərə görə.

İnsanı insanlıqdan çıxaran

                        həblərə görə..

            və məndə hər gün artan

                        əsəblərə görə..

Getmək istəyirəm

            üzümün güləcəyi bir yerə..

insanın rahat yaşayıb –

                        öləcəyi bir yerə.

Getmək istəyirəm

            yalanın, nifrətin

            paxıllığın, qeybətin,

kin-küdurətin

olmadığı bir yerə.

            Pis insanların

                        ləkə salmadığı bir yerə,

                        kölgə salmadığı bir yerə.

            Getmək istəyirəm

            Bir-birinin ayağından tutmadığı bir yerə,

dartmadığı bir yerə,

torbasını yırtmadığı bir yerə.

Getmək istəyirəm

quyu qazılmayan  yerə.

yazı pozulmayan yerə,

Getmək istəyirəm

yazıq üzülməyən yerə,

fağır əzilməyən yerə.

Getmək istəyirəm

kələk qurulmayan yerə,

tələ qurulmayan yerə,

çamır, qır olmayan yerə,

iplər qırılmayan yerə,

insan görə-görə

haqqa kor olmayan yerə.

            Gücüm yetənəcən

                        getmək istəyirəm

            burdan qaçıb uzaqlara..

Ömrüm bitənəcən

                        getmək istəyirəm

            həm də çox-çox uzaqlara..

Zamir Erkin Agazade / 21.03.2009