Eşq olmasa olmazdı

Eşq olmasa olardı, həyatımız tüfeyli,

Eşq olmasa olmazdı həyatın bizə xeyri.

Eşqdir bizə bu dünyanı, həyatı sevdirən,

Eşq olmasa olardı çox insan əliəyri.

Eşq insanı insana daha yaxşı tanıdır,

Eşq olmasa olmazdı sevənlər heç gileyli.

Eşqdir bizə nəzakəti öyrədən o məfhum;

Eşq olmasa olardı məramımız da qeyri..

Eşqin olub hər bir zaman, hər yerdə sorağı,

Eşq olmasa olardımı Məcnun ilə Leyli?

İnsanda gözəl duyğular eşqdən doğulursa,

Eşq olmasa olmazdı, nə Zamir, nə də şeiri.

03.08.2007