Zamir Erkin AGAZADE: Ədəb Sizlikdir

Ədəbsizlikdir deməyin,

ədəb sizlikdir - ədəb sizdən ibarətdir..

Eşq; sən və məndən

xoşbəxtlik isə “biz”dən ibarətdir,

Kiməsə ’sevgi’; kitabdolu cümlələrdən,

kiməsə bir sözdən ibarətdir..

Kiməsə ’evlilik ’; hər an birgə yaşamaqdan,

kiməsə günlük həzzdən ibarətdir..

Kiməsə ’bağlılıq’; ehtiyacdan,

kiməsə ötəri hissdən ibarətdir.

Kiməsə ’həyat’; var olanla yetinməkdən,

kiməsə artıq puldan və seksdən ibarətdir.

Kiməsə ’gələcək ’; arzulardan, planlardan,

kiməsə məchuldur, “X (iks)”-dən ibarətdir..

Pages