ÖMRÜMÜZƏ VURULAN BALTALAR

Həyatın necə tükəndiyini,

         necə bitdiyini,

insanın ölümə doğru necə getdiyini                                               

    bilmək istəyirsiniz?

-Əgər bilmək istəsəniz,

sakit bir otağa keçib,

        sakitcə əyləşin

və mexaniki saatı yanınıza qoyun.

...Saat işləyir...

Hər saniyədən bir: ″çık, çık, çık...″ səs eşidilir.

Elə bilməyin bu saaatın səsidir...

Xeyr! Bu saatın səsi deyil,

Bu ömrümüzə vurulan

        baltaların səsidir...

Ən sonuncu baltanın

   nə vaxt vurulacağını,

ömrümüzün haradan qırılacağını

                biz bilmirik.

Bu hər an ola bilər.

Hər an, hər bir ömür

    baltalanmış ağac kimi

                yıxıla bilər.

Bunu düşünün.

Məncə, düşünməyə dəyər...

                                              
Zamir Erkin Ağazadə (17.12.2008)

P.S. 2009-cu ildə məni II “Nəsimi” Milli Ədəbiyyat Müsabiqəsinin finalına çıxaran 3 şeirimdən birisi budur.