MƏNDƏDİR

Həyatın rəngləri qanıma hopmuş,

Qarası məndədir, ağı məndədir.

Sətirlər qəlbimdən, canımdan qopmuş;

Bayatı məndədir, ağı məndədir...

Həyatın bəllidir hər üzü mənə,

Bəllidir əyrisi, həm düzü mənə.

Eynidir soyuğu, istisi mənə,

Çəkdiyi sığalı, dağı məndədir...

Həyatın qəbirdir son hədiyyəsi,

Dözümdür, səbirdir yaşadan bizi,

Tükənir bu yolda insan nəfəsi,

Düz yolu, aşılmaz dağı məndədir...

    ZAmir Erkin Agazade (23.02.2009, Şeki)